вторник, 23 јануари 2018 | Вести денес: 118 ново

Претседателот Борут Пахор ќе пешачи низ Словенија една седмица

Словенечкиот претседател Борут Пахор тргна на авантура во чии рамки планира една недела да пешачи низ Словенија, при што негова последна станица ќе биде Пиран.

Пахор и неговата мала екипа, во која се синот Лука и две претставнички за односи со јавноста, тргнаа многу расположени со ранци на грбот вчера попладне од Ходош, близу границата со Унгарија, а секој ден планираат да минуваат по околу 40 километри сѐ додека не стигнат до морето.

Во Пиран планираат да стигнат в понеделник, затоа што Пахор во вторник има службени обврски. За разгледување на словенчкиот пејзаж и за средби со граѓаните, од кои очекува поддршка на претстојните претседателски избори, Пахор користи годишен одмор.

Мандатот на актуелниот словенечки претседател истектува кон крајот на оваа година, а точниот датум на новите избори треба да биде објавен в петок. Тој во овој момент е фаворит за победа на изборите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top