сабота, 19 август 2017 | Вести денес: 0 ново

Ќе се спасат ли иселените: Тереза Меј предложи договор за граѓаните на ЕУ во Велика Британија

Британскиот премиер Тереза Меј им предложила во Брисел на останатите европски лидери договор за статусот на нивните граѓани во Велика Британија, кој таа го оцени како „фер“. Меј посочи уште дека не сака никој да си заминува од Велика Британија поради излегувањето од ЕУ, ниту да се налага семејствата да мораат да бидат разделени.

Изложувајќи ги петте водечки принцип на својот „праведен и сериозен предлог“, на самитот во Брисел, Меј истакна дека сака да предложи сигурност за иднината на граѓаните на Унијата во Велика Британија. Меј го претстави планот – за кој многумина во нејзината партија се надеваат дека преку него ќе биде намалена имиграцијата – и потоа си заминала од средбата.

Останатите лидери, без неа, продолжиле да разговараат за прашањето за излегувањето на Велика Британија од ЕУ. Меј, исто така, најави дека на граѓаните на ЕУ кои живеат во Велика Британија ќе им биде предложено од најмалку пет години, да можат – до определен, но засега неутврден датум – да аплицираат за нова категорија статус, со кој ќе им биде овозможено да бидат третирани како британски државјани, што се однесува до здравството, образованието, социјалната помош и пензиите.

Top