среда, 13 декември 2017 | Вести денес: 0 ново

По цели две години и 13 натпревари, младата селекција го доживеа првиот пораз

По 13 натпревари македонската репрезентација до 21 година ја почувствува горчината на поразот. Од 11 јуни и поразот во Рејкјавик од Исланд со 3-0, избраниците на Благоја Милевски не знаеја за пораз.

Но, вечерва македонските херои против себе имаа супер-квалитетна селекција на Шпанија, која славеше со 5-0 (3-0). Во серијата од 13 натпревари без пораз Македонија по двапати ги совлада Северна Ирска, Шкотска и Украина, ремизираше со Исланд и двапати со Франција. На почетокот од оваа година до мечот со помладата генерација Македонија ги совлада Белорусија и Црна Гора.

Сепак, македонските навивачи со песна ги поздравија Бабунски, Барди, Велковски со надеж дека од вторник во Бидгошч против Португалија ќе отпочнат нова позитивна серија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top