среда, 16 август 2017 | Вести денес: 82 ново

При крај е реконструкцијата на Министерството за транспорт и врски-Груевски и Мисајловски извршија увид во работите

Министерот за транспорт и врски, Владо Мисајловски и лидерот на ВМРО-ДПМНЕ, Никола Груевски денеска извршија увид на реконструираната зграда на Министерството за транспорт и врски.

grujo3

Министерот Мисајловски информираше дека над 90 отсто од градежните работи  се завршени и се очекува до крајот на следниот месец реконструкцијата да се заврши  и да се започне со селење. Објектот зафаќа 4.580 квадрати, што ќе значи двојно повеќе простор од состојбата пред реконструкцијата.

grujo2

Изминатиот период, административците работеа во канцелариите во некогашното Министерство за надворешни работи. Во план е покрај Министерството за транспорт и врски, во старо-новата зграда да се смести и Државниот инспекторат за градежништво и урбанизам, Државниот инспекторат за транспорт, Државниот комунален инспекторат и Агенцијата за сигурност во железничкиот систем.

grujo

На овој начин, како што објаснуваа од Министерството, ќе се овозможи сите сектори и органи на ресорот транспорт и врски да бидат на едно место, наместо како што е сега на повеќе локации во Скопје.

Top