среда, 16 август 2017 | Вести денес: 82 ново

Тодоров: Со изградба на новиот клинички центар ќе се постават нови стандарди за квалитет на здравството

Тодоров и претставници на компаниите Гранит, Бетон и италијанската ИНСО системи денеска го потпишаа договорот за изградба на нов клинички центар „Мајка Тереза“ во Скопје. Вредноста на договорот изнесува околу 72 милиони евра, а предвидува градежните работи да завршат во рок од 45 месеци од почетокот на градбата

Со изградбата на новиот клинички центар ќе бидат поставени нови стандарди за квалитет на здравствените услуги во Македонија, изјави Никола Тодоров, вицепремиер и министер за здравство на потпишувањето на договорот за изградба на клиничкиот центар „Мајка Тереза“ во Скопје.

Тодоров и претставници на компаниите „Гранит“, „Бетон“ и италијанската „ИНСО системи“ денеска го потпишаа договорот за изградба на нов клинички центар „Мајка Тереза“ во Скопје. Вредноста на договорот изнесува околу 72 милиони евра, а предвидува градежните работи да завршат во рок од 45 месеци од почетокот на градбата.

vlcsnap-2017-05-19-13h49m38s984

– Некои луѓе сакаат нешто да се случи, други посакуваат тоа да се случеше, но вистинските прават тоа навистина да се случи. На овој проект јас и мојот тим работевме напорно и посветено. За цело време ја имавме целата поддршка од Владата и од премиерот, но овој проект не е само наш проект, ова е национален проект. Проект на државата Република Македонија. Здравјето не препознава политичка, етничка или каква било припадност и затоа најважно е овој проект целосно и навремено да се реализира со цел што е можно побргу придобивките од новиот клинички центар да ги имаат граѓаните и државата – порача Тодоров.

vlcsnap-2017-05-19-13h32m39s671

Новиот клинички центар ќе овозможи врвен третман на пациент и негово олеснето движење и удобност во рамки на објектите. Задоволени се највисоките меѓународни стандарди за енергетска ефикасност на зградите, објектите ќе бидат интегрирани и од аспект на современо автоматизирано и централизирано управување преку билдинг менаџмент систем, ќе се применува пневматски транспорт на биолошки материјал што досега воопшто го немаше во јавното здравство и бројни други најсовремени технологии при изградба на објекти од ваков тип.

-Вредноста на договорот изнесува околу 72 милиони евра. Договорот предвидува градежните работи да завршат во рок од 45 месеци по почетокот на градбата. Постојниот клинички центар „Мајка Тереза“ е најголемиот здравствен комплекс во Република Македонија на површина од 17 хектари, кој се состои од 32 независни субјекти со вкупен персонал од 3.400 лица – истакна Тодоров.

vlcsnap-2017-05-19-13h32m48s640

Клиничкиот центар „Мајка Тереза“ ќе зафаќа простор од 46.987 квадратни метри, а ќе има и хелидром.

-Имајќи го предвид стратегиското значење на клиничниот центар за државата решивме да изградиме комплетно нова зграда со нето-површина од 46.987 метри квадратни корисен простор и 6.416 метри квадратни проодни тераси и кровни градини и 531 метар квадратен хелидром. Објектот ќе се состои од едно подземно ниво, приземје, 9 ката и современ хелидром за трансфер на пациенти на десеттото ниво – потенцира Тодоров.

Вели дека за значењето на овој комплекс говори и фактот дека годишно минуваат повеќе од 800.000 пациенти.

Тој посочи дека на проектирањето на новите објекти и инфраструктура на клиничкиот центар четири години интензивно работеа тимови  проекти од италијанска компанија во соработка со меѓународни консултантски тимови составени од експерти од Шпанија, Германија, Грција и други западноевропски земји со целосна поддршка на Банката при Советот на Европа.

 

Top