среда, 24 мај 2017 | Вести денес: 1 ново

Пијан Грк излетал од патот, завршил во канал кај Битола

Едно лице е тешко повредено во сообраќајната незгода што се случила вчера во 06.00 часот на патот Битола – ГП „Меџитлија“, во близина на крстосницата кај индустриска зона „Жабени“.

Како што информираат од МВР, до сообраќајката дошко кога К.В. (61) од Република Грција, управувајќи со автомобилот „нисан примера“ со грчки регистарски ознаки, изгубил контрола над возилото и излетал од коловозот во канал за атмосферска вода.

По незгодата на К.В. му била укажана лекарска помош во Клиничка болница Битола, каде му биле констатирани тешки телесни повреди по што бил задржан на понатамошно лекување.

Увид на местото на настанот извршила екипа од ПС Битола, а по извршеното алкотестирање над возачот, констатирано било присуство на 1,35 промили алкохол.

Top