вторник, 12 декември 2017 | Вести денес: 130 ново

Врховниот суд во Русија ги забрани Јеховините сведоци

Неколку списанија на групата руските власти ги ставија на листата на забранета екстремистичка литература, а обвинителите веќе долго време ги опишуваат како организација што ги уништува семејствата, поттикнува омраза и ги загрозува животите

Рускиот Врховен суд денеска донесе одлука со што Јеховините сведоци се оценуваат како „екстремистичка организација“. Со оваа одлука се забрануваат сите активности на групата на територијата на Русија.

Со ова решение судот ја одобри тужбата што беше поднесена од страна на руското Министерство за правда.

Исто така, Врховниот суд имотот на организацијата го претвори во државна сопственост.

Јеховините сведоци најавија дека ќе се жалат на одлуката на судот.

Неколку списанија на групата руските власти ги ставија на листата на забранета екстремистичка литература, а обвинителите веќе долго време ги опишуваат како организација што ги уништува семејствата, поттикнува омраза и ги загрозува животите.

Организацијата ги негира овие обвинувања.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top