недела, 17 декември 2017 | Вести денес: 84 ново

Детали за несреќата кај Велес: Загина младо момче од Кавадарци

Момче од Кавадарци утрово загина во сообраќајна несреќа на влезот на Велес откако камионот кој го возел се извртел на патот, а кабината сопрела на работ на провалија.

Дваесет и тригодишното момче Ј.Р. паднало во провалијата кога вратата од камионот се отворила.

Повредениот веднаш бил пренесен во болницата во Велес, но и покрај обидите на лекарите да го реанимираат, момчето починало.

Од полицијата соопштија дека околу 7 часот товарно возило марка „сканиа“, сопственост на кавадаречка фирма, на источниот влез во Велес, на околу 250 метри пред старата бензинска пумпа на Макпетрол изгубило контрола и излегло надвор од патот, кон провалијата и застанало над амбисот.

Увид на местото на несреќата изврши јавен обвинител и екипа од велешката полиција, а во тој временски период сообраќајот на овој дел од патот беше затворен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top