сабота, 26 мај 2018 | Вести денес: 57 ново

Храна што не дебелее

Постојат производи и типови на храна што можете да ги јадете колку што сакате и повторно да не бидете загрижени за тоа дали ќе накачите вишок килограми или ќе внесете повеќе калории, отколку што треба.

Токму овој тип намирници имаат многу малку калории, го подобруваат варењето и се богати со влакна, за да се чувствувате најадени.

Еве за кои намирници зборуваме:

Пуканки

Кога ги готвите без путер или шеќер, можете да ги јадете колку што сакате, без да се грижите дали ќе влијаат на вашата фигура. Пуканките имаат само 31 калорија во една мерка (мислиме на рака полна пуканки).

Целер

Целерот 95 проценти е само вода, па е одличен за детоксикација и за губење на тежината.

Модар патлиџан

Печениот модар патлиџан или подготвен на скара можете да го јадете во колкави сакате количини без да се грижите за калориите, бидејќи без масло, содржи само 24 калории.

Портокали, грејпфрут и мандарини

Некои луѓе препорачуваат да не консумирате големи количини овошје, но тоа не важи за цитрусното овошје. Тие се богати со влакна што го регулираат варењето и помагаат во слабеењето. Меѓу другото, влакната помагаат да не чувствувате глад. Исто така, содржат флавоноид нарингенин, кој спречува дебелеење бидејќи му помага на црниот дроб побрзо да ги процесира вишокот масти. Витаминот Ц, кој добро знаеме дека го има во ова овошје, има позитивни ефекти на еластичноста на кожата и целулитот го прави помалку видлив.

Лубеница и диња

Со од 60 до 70 калории, ова овошје можете да го јадете буквално цел ден. Лубеницата и дињата, инаку, го отстрануваат вишокот на течности во телото.

Алги

Морските алги се богати со јод кој воспоставува нормално функционирање на тироидната жлезда, а тоа значи и одржување на тежината.

Тиквички

Една тиквичка содржи само 42 калории, а меѓу другото го доведува во баланс нивото на вода и сол во телото – еден од најважните фактори за витко, слабо тело. Тиквичките се богати со вода и влакна па ќе направат побрзо да се чувствувате полни.

Краставици

Краставиците се незаменливо овошје за оние кои сакаат да се ослободат од вишокот вода во телото и да одржуваат нормална тежина.

Цвекло

Цвеклото е одличен извор на минерали, посебно магнезиум, кој помага во согорувањето на мастите, ги регулира нивоата на шеќер во крвта и помага во градењето на мускулите. Цвеклото лесно можете да го претворите во салата или лесно смути, а една порција содржи само 40 калории.

Јајца

Јајцата можете да ги јадете во било кое време, дури и навечер кога сте прегладнете, а не сакате да претерате со внесената количина на калории. Секако, најдобро е да ги консумирате сварени, наместо пржени.

Ананас

Ананасот содржи бромелаин кој помага во согорувањето на мастите и помага во варењето на протеините.

Јаболка и сливи

Едно јаболко содржи само 50 калори, а помага во регулирање на цревната функција. Како и сливите, богати се со витаминот Ц и калиум кои ги одржуваат вените и артериите здрави.

И конечно, уште една добра вест:

Ако сакате да ослабете, важно е да не јадете најмалку 3 до 4 часа пред спиење. Па, ако си легнувате во 11 часот, најдобро е да вечерате до 9 часот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.

Top