понеделник, 29 мај 2017 | Вести денес: 33 ново

Данска ги повика младите на секс за татковината: „Пол за Данска“ и „Направи го за мама“

Во многу земји во светот населението старее и се намалува, плодноста на жените опаѓа, а младите не прават деца. Владите се обидуваат да промовираат мерки за наталитетот со различни мерки, понекогаш прилично ексцентрични.

Данска одржува многубројни кампањи за промовирање на сексот и на наталитетот. „Пол за Данска“ и „Направи го за мама“, се обидуваат да ги поттикнуваат младите да прават бебиња за земјата и внучиња за бабите. Исто така, туристичка фирма ги охрабрува младите да патуваат до егзотични дестинации, за да ги возбудат страстите и да имаат  повеќе секс. Ако некои од нив забремени за време на одморот, туристичката фирма обезбедува пелени за првите три години.

Во некои региони на Русија 12 септември е прогласен за „ден на зачнувањето“. Ако се роди бебе по девет месеци, има награда – бесплатно мебел.

Во Јапонија властите се прашуваат како да ги натераат младите да имаат  повеќе секс и да раѓаат деца. Неодамна дури изработија  бебе-робот за обука на страшливците идни родители.

Во Јужна Кореја секоја трета среда во месецот е прогласена за „Ден на семејството“ и вработените ги затвораат канцелариите порано, за да можат паровите да се посветат на бакнежи и на љубов. Има и парични бонуси за повеќе од едно дете.

Во 2013 година владата во Хонгконг нуди да се даваат пари на рака за да се промовираат двојките да прават деца. Тоа, сепак, не се реализира, а плодноста на азиската страна продолжува да опаѓа.

Во Италија властите упатуваат апели – „размрдајте се, не чекајте ги штрковите“. 22 септември е прогласен за ден на плодноста.

Плодноста во малата азиска држава Сингапур го удри дното. Дарежливите парични бонуси не помагаат. Таму повикуваат младите да го „кренат знамето“ и да ги  натераат патриотизмот „да експлодира“.

Швеѓаните треба да имаат еден час платена пауза во работни денови за да можат да си одат до дома и да имаат секс со своите партнери, предложи советник во локален парламент, тврдејќи дека тоа ќе ги зближи луѓето. Истражувања покажуваат дека сексот е здрав, истакна 42-годишниот Пер-Ерик Мускос, советник во северниот град Оверторнја. Според Мускос двојките не поминуваат доволно време заедно во денешното општество и имаат потреба од подобрување на односите.

Top