понеделник, 21 август 2017 | Вести денес: 79 ново

Крсте Јовановски со поддршка „За заедничка Македонија“: Бројката на граѓани на протестите ќе биде сѐ поголема

Со поддршка за граѓанската иницијатива „За заедничка Македонија“ излезе и актерот и иден пратеник Крсте Јовановски. Тој вели дека граѓаните во голем број излегуваат на улиците, а очекува во наредните денови таа бројка да се зголемува.

– Јас сум прво како Крсте Јовановски Македонец, патриот, после сум се друго. Значи и мојата професионална определба и новите мои задолженија кои треба да ги имам тек допрва, во контекст на тоа јас ја поддржувам прво заради тоа, второ заради масовноста, односно се поголемата масовност кај луѓето која е произлезена од ова се што ни се случува сега и мислам дека таа бројка која од ден на ден е со поголема и поголема, бидејќи покрај протестите мирни, возвишени, благородни, кои се случуваат во главниот град, се случуваат такви протести во уште 25-6 града, а почнаа прво во 2-3 – вели Јовановски.

Тој додаде дека граѓаните својот револт од прифатената Платформа на СДСМ го искажуваат со песни и со најелемнтарни говори проткаени со љубов, искреност, со вистина и со желба Македонија да остане онаква каква што е.

– Еве веќе 12-13 дена се тие протести и се повеќе и повеќе се зголемуваат, иако овие последни два дена имаме малку и лошо време, како што е впрочем и денеска, но тоа не ги поколебува луѓето да излегуваат и да искражат своето незадоволство од состојбата. Притоа го искажуваат со песни, со најелемнтарни говори на бината, кои се проткаени со љубов, проткаени со искреност, со вистина, со чистина и со желба Македонија да ни остане онаква кава што е – додаде Јовановски.

Top