понеделник, 20 ноември 2017 | Вести денес: 0 ново

Србија: „Беа како заљубени тинејџери, а сега се случи оваа трагедија“

Во присуство на роднините и пријателите, 38-годишната Данијела Пантовиќ, мајка на три деца, беше испратена во вечниот дом откако нејзиниот сопруг случајно ја застрела во домот.

47-годишниот Владимир Пантовиќ за погребот беше пуштен од притвор за да и каже последно збогум на саканата.

Сите повторувале како Данијела и Владимир имале одличен брак, имале љубов и разбирање, па со неверување во очите говореле за српскиот Ало, дека никој не очекувал ваква трагедија.

– Неодамна бевме на слава, таа слика од нив двајца не ми излегува од глава. Беа насмеани, заљубени, играа, се држеа за рака, а сега сме на нејзиниот погреб, вели пријател низ солзи.

Пријателите на Владимир не веруваат што се случило, тој одел на риболов, имал пушка и муниција, но велат бил искусен.

Трагедијата се случи додека семејството дома имало пријател на кој Владимир му ја покажувал пушката. Тој ја застрелал сопругата не знаејќи дека има куршум во цевката.

Сега е вратен во притвор каде ќе помине 30 дена до сослушувањето.

Top